- I - Roja me kurda hilat,
Şewka xwe da cîhanê…
Şoreşa kurd bi serket
Pîroz li Kurdistanê
- II -
Li ser çîya yê Berzan,
Û li hawîr Kurdistan…
Berbakin âl’a rengîn,
Bêjin bijî Kurdistan…
- III -
Li ber mala milletan,
Âl’a kurd li darxînin…
Vê nîşana bindestan,
Dest bi dest bigerînin…
- IV -
Em bêkes û bindest bû
Li ser av û axa xwe,
Kesekî dest nedan me
Ji cîhana ser bi xwe…
- V -
Em îro ser bilindin,
Bi şerr û şehîdên xwe…
Em xwedî tac û textin,
Bi âl û dewleta xwe…
- VI -
Li çar havîr em yekin,
Yek serî û yek destin…
Ev ne xeyal û xewnin,
Êdî em ne bindestin…
- VII -
Em keç û xortên kurdin,
Natewin û natirsin…
Kêr ser stûyê me bin,
Emê bi kurdî bimrin…
- VIII -
Bijî bijî serxwebûn,
Pîroz bi li Kurdistan…
An mirin an goristan,
An azadî Kurdistan…
- IX -
Em zarokên arî’yi,
Kardox û Mittani’yi…
Ewîn Kurdistanî yi,
Şopdarên Berzanî’yi…
- X -
Li ser ax û ava me,
Li ser me bûn efendî…
Wan wêran kir war li me,
Em man bindest bê xwedî…
- XI -
Li şikeft û newalan,
Mirî û kuştîyên me…
Ma qet bê xwedî diman,
Go heba dewleta me…
- XII -
Go em xwedî dewlet ba,
Azad û serbixwe ba,
Û em kurd ji dil yek ba,
Qey halê me wê ev ba…
- XIII -
Ma go serxwebûn hebi,
Parsekparêzî çiyi…
Dewleta te tune bi,
Tu xwedyê xwe û çiyi…
- XIV -
Ev roja dîrokî yi,
Bê hempa û bi rûmet…
Cejna gellê arî’yi,
Em kurd îro bûn dewlet…
- XV -
Ji serxwebûn şaş nebin,
Bes bi xapin wek gêja…
Li ber neyar netewin,
Mîna kurd, kurd’en hêja…
- XVI -
Zava bi text û dewlet,
Bûk bi tac’a zêrrini…
Dâweta kurd li dar ket,
Govendê digerîni…
- XVII -
Go weri ziman, dîrok,
Bi bombe û gaz û jahr…
Çend hezar keç û zarok,
Ji xwîna wan, çê bû bahr…
- XVIII -
Go kurd nemînin jî yek,
Âl’a kurd wê li ba bi…
Belê, go em nebin yek,
Emê her dem riswa bi…
- XIX -
Em man bê kes û kuştî,
Li newalan û çema…
Rizyan, li me dest û pî,
Dema em bê dewlet ma…
- XX -
Mervan Nasim dibêjim,
Pîroz bi li Kurdistan,
Ji kêfa lâl û gêjim,
Bijî Bijî Kurdistan….
Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.
